(18 февраль, 2019 ел) Түбән Кама шәһәренең Халыклар дуслыгы йортында шагыйрә, хезмәт ветераны, педагог Анастасия Усачеваның “Моң чишмәләрем” дип аталган китабын тәкъдим итү кичәсе узды. Бу аның тугызынчы басма китабы.
Кичәгә Анастасия Усачева эшләгән 5 нче урта мәктәп укучылары һәм укытучылары килде. Чара “Кама таңнары” әдәби берләшмәсе һәм Г.Тукай исемендәге китапханәләр берләшмәсе белән берлектә үтте. Кичә барышында Анастасия ханым сорауларга җавап бирде, шулай ук шигырьләрен укыды. “Сүрәкә” керәшен халык фольклор ансамбле солисты Лена Әмирова матур җырлары белән килгән кунакларны сөендерсә, Анастасия ханым сеңлесе Зоя белән үзе язган җырларны башкарды. “Кама таңнары” каләмдәшләре аны яңа иҗат җимеше белән котладылар.
(18 февраля 2019 года) В Доме дружбы народов состоялась презентация книги поэтессы, педагога, ветерана труда Анастасии Усачевой«Моң чишмәләрем».На встречу пришли педагоги и ученики школы №5, где долгое время работала Анастасия Тимофеевна. В программе прозвучали песни и стихи автора. Порадовали зрителей солисты Лена Амирова и родная сестра Зоя. Программа была подготовлена совместно с литературным объединением “Кама таңнары” и библиотекой им.Г.Тукая.
