(19 октябрь 2019) Татарча диктант – татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максаты белән Халыклар дуслыгы йортында уздырылган акциядә 48 кеше катнашты, алар туган телебезгә битараф булмауларын исбатладылар.
Диктант язу эше Түбән Кама муниципаль районы, Бөтендөнья татар конгрессының Түбән Кама бүлеге, Мәгариф һәм Мәдәният идарәләре белән берлектә оештырылды. Бөтендөнья татар конгрессының Түбән Кама бүлеге җитәкчесе Ганиев Рөстәм Мәҗит улы, директор урынбасары Вәсилә Исмәгыйлова тарафыннан мөһим чараның эчтәлеге рухи яктан да баетылды. Төрле яшьтәге шәһәрдәшләребезне диктант язу эшенә күбрәк җәлеп итү өчен Казан һәм Яр Чаллы шәһәреннән җырчылар, гармунчылар чакырулы иде. Ганиев Рөстәм Мәҗит улының Туган телебезнең бөеклегенә мәдхия җырлаучы ялкынлы сүзләре яшьләрнең “канатын” тагы да ныгытты, уйланырга этәрде. Иң өлкән һәм иң яшь диктант язучыларга махсус бүләкләр бирү дә каралган иде.
В Доме дружбы народов при поддержке Нижнекамского отделения Всемирного конгресса татар, Управления образования и культуры прошла образовательная акция по проверке грамотности на татарском языке “Татарча диктант”, в которой участвовало 48 человек. Акция направлена на повышение интереса к грамотному правописанию, самопроверку орфографических и грамматических ошибок.